Informatika: Ordenagailua

Euskaldun bat naiz. Beraz, euskararen erabilera zabaldu behar dut, horregatik hurrengo sarreretan informatikari buruz hitz egingo dut. Honetan hasiko naiz.

1-  Zer da ordenagailua?

Ordenagailua, informazioa erabiltzeko diseinatutako makina elektroniko-digitala da.

Ordenagailuak, sartutako datu eta informazioarekin (testua, irudia, soinua...) emaitza lortu arte zerbait egiten du programetan bildutako instrukzioei jarraituz. Emaitza hori pantaila, inprimagailu... edo beste tresna batzuk erabiliaz adierazten zaigu.

Informazio edo datuekin, ordenagailuek honelako eragiketak egiten dituzte:

• Datuak sartzeko eragiketak (teklatua, xagua, mikrofonoa, ...)
• Datuak ateratzeko eragiketak (pantaila, inprimagailua, ...)
• Biltegiratze-eragiketak (diskak, CD, DVD, pendriveak, ...)
• Berreskuratzeko eragiketak (disketatik, ...)
• Transmisio-eragiketak (sare bidez)
• Hartze eragiketak (saretik jaso)
• Informazioa tratatu (ordenatu, hautatu, eragiketak, ...)